Vranë · më afër qiellit
Bujtina Mark Alia
E ngritur mbi themelet e kullës së vjetër të Mark Alisë, ku edhe në gusht mund të takosh dëborën. Kuzhinë bio e zonës, sipas recetave të trashëguara. Mikpritës: Filip Gjeloshi.
KryefaqjaTurizëm
Turizmi
Shtigjet e egra të Nikaj-Mërturit
Një krahinë ende e paprekur nga turizmi masiv: lumenj smeraldi, pyje dushku, ujëvara dhe fshatra ku koha ecën ngadalë.
Mirë se erdhe
Ku Alpet takojnë mikpritjen malësore
Në Valbonë e Theth kalojnë me mijëra turistë në ditë, ndërsa Nikaj-Mërturi mbetet ende i qetë. Këtu gjen kulla guri, kisha të vjetra si ajo e Currajt të Epërm (1913), lumin e Mërturit me ujëra të kthjellëta dhe familje që e hapin derën për mikun si dikur.
Më poshtë janë shtigjet kryesore, bujtinat ku mund të flesh e të hash ushqim shtëpie, dhe çfarë duhet të dish para se të nisesh.
Shtigjet kryesore
01
Shtegu i Currajt të Epërm
Vështirësia e lartë · 6–7 orë
02
Lumi i Nikajt dhe grykat
Eksplorim ujor · gjysmë dite
03
Qafa e Kolçit
Panoramë mbi Alpet · 4 orë
04
Salcë – Lekbibaj
Shteg fshatrash · 3 orë
Bujtinat: ku të flesh e të hash
Curraj i Epërm
Bujtina Prebibaj
Në zemër të Alpeve, larg zhurmës së qytetit. Mish i freskët i zonës, bulmet natyral, mjaltë mali dhe lumi me ujëra të ftohta, ku vizitorët freskohen gjatë verës.
Curraj i Poshtëm
Bujtina TATA
Bujtinë familjare në Curraj të Poshtëm, me ushqim shtëpie dhe mikpritje malësore. Rezervohet direkt në Booking.com.
Palç · 1300 m
Bujtina Ugari
Mes bjeshkëve të gjelbëruara të Palçit. Ecje malore, kampim, guida hiking dhe shëtitje me kalë. Mikpritës: Afrim Gjergji me familje.
Hyrja e Lekbibajt
Te Baca Qerim
Sapo kalon Urën e Tetajve. Shtëpi tradicionale e rikthyer në jetë: maza, leqeniku, qervishi, laknuri dhe pikë e mirë nisjeje për Currajt dhe bjeshkët.
Lekbibaj · vilë me pamje
Villa Bushati
Vilë me pamje në Lekbibaj, qendra e njësisë administrative. Pikë e mirë nisjeje drejt fshatrave, lumit dhe bjeshkëve.
Guida turistike
Çesk Prebibaj dhe guidat e tij
„Në Valbonë e Theth po kalojnë me mijëra turistë në ditë, ndërsa në Nikaj-Mërtur krejt pak… Gjithsesi, Don Zoti e ndryshon.“
Guidë e çertifikuar, Çesku kthehet sa herë mundet në Curraj të Epërm për të organizuar ecje dhe për t'u treguar vizitorëve mrekullitë e maleve të veriut, edhe pa sinjalistikë e pa infrastrukturë.
Këshilla udhëtimi
🚙
Si të vish
Nga Bajram Curri me rrugë malore drejt Lekbibajt, ose me tragetin e Komanit dhe më pas me furgon. Rekomandohet automjet 4x4.
🍂
Kur të vish
Nga maji deri në tetor. Vera për shtigjet e larta, shtator–tetor për ngjyrat e vjeshtës dhe qetësinë.
🏡
Ku të flesh
Bujtina familjare në Lekbibaj, Curraj të Epërm, Palç dhe Salcë: shtëpi guri me ushqim shtëpiak dhe mikpritje malësore.